Oñatin egin dute lehen geldialdia Errege Magoek. Eguerdian iritsi dira hara eta San Migel parrokian hartu dute tokia umeei harrera egiteko, joan den urtean moduan. Bergaran, azkenean ez da desfilerik egin euriagatik, azken orduan horrela erabakita. Eta Seminarixoan topatu dute lekua umeekin egon, gutunak jaso eta goxokiak banatzeko. Eskoriatzan ere Zaldibar antzokira pasa dute ekitaldia, eguraldiagatik.
Aretxabaletan eta Arrasaten, aldiz, egin dira desfileak. Arrasaten, hala era, pentsatuta zuten ibilbidea baino laburragoa egin dute; Maalako biribilgunetik sartu dira kalera, Portaloiruntz eta plazan bukatu dute. Maitasuna eta osasuna oparituko dutela iragarri dute han.
