Askotariko liburu, disko eta film berrien gomendioak batzen dituzten bi gida argitaratzen dituzte urtero Arrasateko, Aretxabaletako, Aramaioko, Oñatiko, Bergarako, Eskoriatzako eta Legazpiko udal liburutegiek elkarlanean, eta hala sortu dute labetik atera berri duten Neguko gida ere; Antzuolako biblioteka batu da, oraingoan, ekimenera. "Ohi moduan, formatu digitalean eta paperean dago; 13.000 ale dira, guztira, eta eskualdeko biblioteketan eta liburu-dendetan aurkituko duzue", dio Arrasateko Bibliotekako zuzendari Asun Agirianok.
Adinka sailkatuta
"Haur txiki-txikiendako, lehen irakurleendako, irakurle koxkorragoentzako, gazteendako eta helduentzako genero askotariko liburu berrien zerrendaz gainera, gure biblioteketan ditugun disko eta film berrien proposamenak ere batu ditugu".
