Mozambikeko familia nekazarien garapen ekonomikoan bultzatzeko, aukerak sortzeko eta prozesuetan laguntzeko asmoz, 3x1 kanpaina aurkeztu du Mundukide gobernuz kanpoko erakundeak. Izan ere, azaldu du "pobrezia errotuak" Mozambikeko iparraldeko biztanleriaren %75argi eragiten diola: "Nekazarien familiak urtean hirurehun eurorekin soilik bizi dira, eta horietatik ehun baino ez dira oinarrizko premiak asetzeko".
Bada, horri irtenbide bat eman asmoz, Mundukidek uste du nekazaritza ekoizpenaren handitzean eta dibertsifikazioan eragin daitekeela, hala nola bestelako laboreak identifikatuta, laguntza teknikoa emanda eta merkaturatze prozesuetan lagunduta.
Kanpainaren oinarria
3x1 kanpainak, beraz, helburu du 2023-2024 aldian hobekuntzak egitea nekazaritzari dagokionez, eta, horretarako, 20, 50 edo 100 euroko ekarpena egin dezakete nahi duten herritarrek. Baita beste zenbateko bat ere. Euro bakoitzeko, gainera, hiru euroko errentagarritasuna lortzen dute Mozambikeko nekazariek.
