Abenduaren 6tik 10era bitartean Durangoko Azokaren 58. aldia ospatzen dabiltza. Askotariko 950 argitalpen berri jarri dituzte salgai. Debagoienetik bisitari asko joan dira euskal kulturaren plazara, nobedadeak bertatik bertara ezagutzera.
Fantasia da! leloarekin egiten dabiltza aurtengo Durangoko Azoka. Askotariko argitalpenak izan dituzte ikusgai eta entzungai bisitariek. Debagoienetik Durangora joan direnak asko izan dira: zer erosi erabakita zutenak asko; baina, baita, nobedadeak ikusi eta sorpresa atseginak hartzeko gogoz zeudenak ere.
Horrelako ekitaldiek, gainera, sortzaileekin aurrez aurre egon eta eurekin hitz batzuk egiteko aukera eskaintzen dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.