Aretxabaletako Ibarra kiroldegian izango da campuseko lehenengo txanda, abenduaren 26tik 29arte, eta, bigarren txanda, berriz, Eskoriatzako Manuel Muñoz kiroldegian izango da urtarrilaren 2tik 5era bitartean. Txanda batean zein bestean 09:30etik 13:30era arituko dira neska-mutikoak saskibaloiaren nondik-norakoak ikasten, lagunak egiten, eta, kirola eginaz disfrutatzen.
Lehenengo txandarako, bigarrenerako, edo bietarako eman dezakete izena parte hartu nahi duten interesdunek; baita, egun solteetarako ere. Campusean parte hartzeko edo informazio gehiago jasotzeko aresko.saskibaloi@gmail.com helbidera idatzi daiteke.
