Arratsaldeko seietatik gauerdira bitartean abisu horia ezarriko du Euskalmetek haizeagatik. Adierazi dutenez, haizeguneetan hego-mendebaldeko haize-boladek 100 km/h-ko abiadura gaindi dezakete. Haizeguneak ez diren lekuetan, aldiz, haize boladek 80 km/h abiadura pasa dezakete. Era berean, gaurko euria iragarri du Euskalmetek nahiz eta egunaren amaieran zaparrada botatzeko probabilitatea txikiagotu. Tenperatura maximoek gora egingo dute eta 20 graduren bueltan ibiliko dira.
Bihar, berriz, alerta laranja ezarriko du itsasaldean Euskal Meteorologia Agentziak gauerditik arratsaldeko hiruretara. Halaber, abisu horiak aktibo jarraituko du gauerditik goizeko seiak arte, gaurko arrazoi berdinengatik. Bihar, zaparradaren bat edo beste bota dezake, baina barnealdeko eskualdeetan euria egiteko probabilitatea txikiagoa izango dela aurreratu du Euskalmetek. Tenperatura maximoak gaurkoak baino baxuagoak izango dira.
