Herriz herriko egoerari dagokionez, Arrasaten dago langabezia tasa altuena. Biztanleria aktiboaren %10,31 dago lanik gabe, eta, gainera, irailetik urrira gora egin du langabeen kopuruak; hain justu, une honetan, 1.047 langabe daude. Eskoriatzan ere gora egin du langabezia tasak, lanik gabe dauden pertsonen kopurua ere handiagoa baita. Aurreko hilabetean baino hamar langabe gehiago daude –guztira, 157– eta langabezia tasa %7,85ekoa da. Oñatin ere gora egin du: 335 langabe daude.
Antzuolako, Aretxabaletako, Bergarako eta Elgetako egoerari dagokionez, behera egin du langabeen kopuruak, eta, beraz, baita langabezia tasak ere. Zehazki, Elgetan dago zenbateko baxuena. Momentu honetan, 29 langabe daude eta %4,88koa da langabezia tasa.
Langabe kopurua bost baino gutxiago denean Lan Behategiak ez du datu zehatzik ematen; ondorioz, ezin daiteke jakin Leintz Gatzagako eta Aramaioko egoera zein
Hego Euskal Herriko egoera
Hego Euskal Herriko egoerari dagokionez, iraileko datuarekin alderatuz gero, gora egin du langabeen kopuruak, eta, egun, 3.614 pertsona daude lanik gabe.
