Mondragon Unibertsitateko Enpresagintza Fakultateak eta Dama España elkarteak lankidetza hitzarmena sinatu dute, gaur egun datuen analisia lehentasuntzat jotzen dutelako. Haien arabera, datuek emaitzak "hobetzen" laguntzen diete enpresei, "arriskuak kontrolatzen eta arintzen", eta baita datuetan oinarritutako "zerbitzu eta produktu berriak garatzen" ere. Bada, horregatik jarriko dute martxan 2024ko urtarrilean Datuen Gobernu eta Kudeaketa Estrategikoko Aditu Titulua.
Lander Beloki MUko Enpresagintza Fakultateko dekanoa eta Lucia Engo Dama España elkarteko lehendakaria izan dira sinadura ekitaldian, eta, azaldu dutenez, helburu dute "datuak gobernatzeko eta kudeatzeko behar diren ezagutzako eta gaitasunak garatu" ahal izatea. Are gehiago, nabarmendu dute ikastaroa amaitzean "ikasleen enplegagarritasuna" sustatuko dutela, lana lor dezaten.
