Azaroaren 3 eta 5 bitartean, Debagoieneko Mankomunitateko Turismotik bultzatuta udazkeneko Gastronomia eta Lurraldea egitasmoa burutuko da. Saioaren funtsa Debagoieneko hainbat baserri eta gastromuseotan bisita gidatuak eta bertako produktuen dastaketan dago; lurraldeko ekoizpen lekuetan eta museo gastronomikoetan eskainiko diren Doako Bisita Gidatuetan.
Bisitak ekoizleen edo kudeatzaileen eskutik egingo dira, eta izen-ematea beharrezkoa da. Kanpoaldeko eremuak eta barne instalazioak bisitatuko dira, eta produktu dastatzearekin amaituko dira; eskualdekoak diren lau produkturen inguruko bisitak izango dira: gatza, gazta, txokolatea eta ogia. Hala ere ez produktu gehiago dastatzeko aukera egongo da, adibidez, txakolina. Gainera, Arantzazura joan-etorria egiteko autobus zerbitzua egongo da 17:00etatik aurrera, Oñatiko postatik abiatuta.
Jarraian Debagoienako Lurraren Zaporeak egitasmoaren egitaraua:
- Azaroak 3:
- 19:00etan, Oñatiko Murgialdai txakolindegian: "Kakao eta Txakolina".
- Azaroak 4:
- 9:30 eta 13:00ak bitartean, Oñatiko azokan: Oñatin eta Debagoienean landutako produktuen zapore eta salmenta azokan.
- 10:30tan, Arantzazuko Gomiztegi baserrian: Artzaintzaren eta Gaztagintzaren sekretuak.
- 10:30tan, Bedoñako Errastikoa okindegian: Ogia egiten.
- 12:00etan, Oñatiko Txokolateixian: Kakaoa egiten.
- Arantzazuko X. MIKOPOTEOA:
- 17:15tan, Arantzazuko turismo bulegoan: bisita gidatua, "Arantzazuko Santutegia kuadrilentzat".
- 18:00etan, Arantzazuko Gandiaga topagunean: hitzaldia, "Perretxiko jangarriak eta toxikoak".
- 19:00etan, Mikopoteoa: Arantzazuko Santutegia Hotelean, Goiko-Benta, Sindika eta Zelai-zabal jatetxeetan.
- Azaroak 5:
- 11:00etan, Urkuluko Mitartegarai baserrian: Gaztagintza eta dastaketa Urkulu aldean.
- 11:00etan, Oñatiko Txokolateixian: "Kakaoaren bidaia".
- 12:00etan, Leintz Gatzagako Gatz museoan: Urre zuriaren paisaia.
Gipuzkoako Foru Aldundiaren Ekonomia Sustapen, Turismo eta Landa Inguruneko Departamentuaren, nahiz Eusko Jaurlaritzaren Turismo Merkataritza eta kontsumo Sailaren babesa izan du ekimenak. Parte-hartzeko, beharrezkoa da izen-ematea, horretarako infoturismo@debagoiena.eus edo www.turismodebagoiena.eus helbideetara idatzi behar da; edo 943 79 64 63 edo 943 71 89 11 zenbakira deitu behar da.