Norgehiagoka ederraz gozatzeko aukera izan dute Labegaraietara bertaratu diren ikusleek. Izan ere, bergararren eta arrasatearren arteko derbiak amaierararte mantendu du tentsioa. Partidua indarrez hasi duten arren, zazpi goleko aldea atera dio Soraluce BKEk Mugarri Ingouri, eta hala bigarren zatia aurretik hasi dute bergararrek. Gogor aritu dira defentsa lanetan etxeko jokalariak, eta argi adierazi da hori markagailuan.
Atsedenaldiaren ostean, intentsitatea areagotu dute bi taldeek eta arrasatearrek bien arteko aldea murriztea lortu duten arren, ez dute aurkaria aurreratzea lortu. Bi minuturen faltan lau goleko aldea izatea lortu dute, eta hala minutu latzak pasatu dituzte Soraluce BKEko jokalariek, baina azkenean defentsan estutu eta garaipen garbia izan dute bergararrek, 27-22.