Gorengo mailan bina derbi izango dira asteburuan. Batetik, zapatu arratsaldean indartsu dagoen Mondrak –jokatutako partidu guztiak irabazi dituzte– sailkapenaren atzealdean dagoen Antzuola hartuko du Mojategin (16:30), eta bestetik, hirugarren dagoen Aloña Mendik Bergararen bigarren taldea hartuko du domekan (16:30).
Bergara eta UDA, etxean
Ohorezko erregionalean, Bergarak eta Aretxabaletak etxean jokatuko dute. Hirugarren dauden mahoneroek bosgarren dagoen Mutrikuren bisita izango dute zapatu eguerdian (12:00), eta bigarren dagoen Aretxabaletak, berriz, ezohiko ordutegian jokatuko du Hernaniren kontra (zapatua, 16:30). Datorren eguaztenean partidua izango dutenez, erabaki dute etxeko partidua domekatik zapatura aurreratzea. Emakumezkoetan, berriz, Debagoiena Bailarak joan den astean lortu zuen ligako lehenengo garaipena, 1-0 Oiartzunen kontra. Domekan, 18:15ean jokatuko dute Elgoibarren.