Sindikatuak ohar bidez azaldu duenez, "zaintza krisia gero eta nabariagoa da", baina horren arrazoia ez da bakarra. "Krisi honen arrazoi nagusia eta bakarra ez da bilakaera demografikoa edo jendartearen zahartzea, hau sinestarazi nahi diguten arren. Ez dugu ontzat ematen zaintza eredu hau, bidegabea eta sostengaezina baita". Horregatik, denen bizitzak erdigunean jarriko dituen zaintza sistema aldarrikatu nahi dute.
Haren arabera, "premiazkoa" da zaintza lanak berrantolatu eta modu orekatuagoan banatzea. "Hori du helburu LABek defendatzen duen zaintza sistema publiko komunitarioak, zaintza lanak baldintza prekarizatuetan eta ikusezinean egiteari uzteko hauek erdigunean kokatu beharko baititugu".
Horregatik, greba feminista orokorrean parte hartzera egin diete dei langileei, greba batzordeei eta lan zentroetako asanbladei.
