Deskantsura bitartera arte, antzuolarrak ibili dira aurretik. Mikel Jauregi AKEko jokalariak azaldu duenez, euretako batek bota du tiroa beste atera, eta Aloña Mendiko atezaina harrapatzera joan den arren, ihes egin dio eskutik; hala, Antzuolarentzat izan da lehen gola. Hala ere, oñatiarrak aritu dira batik bat baloia menderatzen bi zatietan, eta etxekoak atzean egon dira, zaintzen.
Markagailua 1-0 zela iritsi dira deskantsura, baina, penalti baten ondorioz, gola sartu du Aloña Mendiko bigarren zatiko bosgarren minutuan. Hala ere, txartel horia atera diote jokalarietako bati bigarrenez, eta, beraz, oñatiarrak bat gutxiagorekin aritu dira. Nolanahi ere, bi taldeek izan dute aukera bat edo beste gola sartzeko, bana berdindu duten arren.
