Kontseilu Sozialistatik azpimarratu gura izan zuten Palestinaren kontrako okupazioa eta genozidioa Israelek hamarkada luzez aurrera daraman erasoa dela, Israelek etengabe jazarri dituela palestinarrak, lurraren okupazioa, tortura edo erailketa bezalako bitartekoak erabiliz. Salatu zuten, "sarraskiaren atzean, mendebaldeko bloke inperialistaren konplizitatea eta babes politiko zein militarra" ere badagoela.
Testuinguru honetan "alderdi parlamentarioek" hartutako jarrerak salatzeko ere baliatu zuten ekitaldia. Kontseilu Sozialistak adierazi zuen, "eskuineko alderdiek Israeli babesa adierazi dioten bitartean, ezkerrekoek bakearen eta elkarrizketaren aldeko mezua zabaldu dutela". Haien ustez, "diskurtso bakezale horrek Israelen erregimena zuritu, palestinar herriak pairatzen duen zapalkuntza egoera ezkutatu eta erresistentzia kriminalizatu besterik ez dute egiten".
Bestetik, "nazioartean antolatutako indar politiko iraultzaile bat" eraikitzeko beharra ere aldarrikatu zuten bertaratuek. Ekitaldiari bukaera eman zioten, Palestinar herriari babesa erakutsiz.
