Javier Igartua Debagoieneko Gurutze Gorriko presidentearen hitzetan, urtean zeharreko lana boluntarioen "etengabeko konpromisoari esker" gauzatu daiteke, baina ez hori soilik. "Gure enpresa onesleek berebiziko garrantzia dute, gure ahalmen operatiboa eta hedapen-gaitasuna bermatzen duten beharrezko funtsak ematen baitizkigute".
Hain justu, adierazi dutenez, bederatzi enpresa onuradun dituzte, eta "harrituta" daude inguruko enpresetara joatean jasotzen duten harrerarekin. "Oso eskertuta gaude jasotako ekarpen guztiengatik, eta beti azpimarratzen dugu edozein zenbateko ekonomiko, nahiz eta norbaiti txikia iruditu, garrantzitsua dela gure jarduera soziosanitarioari eta solidarioari eusteko, bai eta larrialdiei erantzuteko dugun gaitasunari eusteko ere".
Enpresetan jarduerak
Elkarlanean aritzen diren enpresa batzuek ere Debagoieneko Gurutze Gorriaren jarduerak aprobetxatzen dituzte, hala nola langileen artean lehen sorospenei, desfibriladoreei eta simulazioei buruzko jarduerak eginda. Hala, datozen asteetan, boluntario talde batek horren guztiaren berri emango du bailarako enpresetan, eta, era berean, sareko kide ez direnei gonbita egingo diete batzera.