Uda ostetik darama GHE-ak Gipuzkoan, eta dagoeneko eragina izan du probintziako behi, eta ondorioz abeltzain, askotan. Kalte horiei aurre egiteko 400.000 euroko laguntzak emango ditu Gipuzkoako Foru Aldundiak. Horretaz gain, animaliei aplikatzen zaien tratamendua %100ean ordaintzea ere erabaki zuen Foru Aldundiak.
Lurralde Oreka Berdeko diputatu Xabier Arrutik jakinarazi du laguntzak bi kontzeptuengatik lotuta emango direla: bata, ustiategietako jardueran eragindako kalte ekonomikoengatik, eta bestea, hildako abelburuen konpentsazio gisa. Gainera, adierazi du "ordainketa urtea amaitu baino lehen" egingo dela.
Gaixotasun hemorragiko epizootikoaren datuaren gaineko datuak ere partekatu ditu diputatuak, eta hauek diote Gipuzkoan 833 positibo erregistratu direla 380 ustiategitan eta 116 abelburu hil direla. Hala ere, Arrutik adierazi du uste dutela "okerrena gertatu dela, eta kliman aurreikusitako aldaketak egoera hobetzen lagunduko duela".