Herriz herriko egoerari dagokionez, guztietan egin du behera langabeziak, Antzuolan eta Bergaran izan ezik. Hain justu, Antzuolan bi pertsona gehiago daude lanik gabe eta Bergaran, berriz, zazpi. Langabezia-tasari erreparatuz gero, ordea, bestelakoa da bailarako egoera. Izan ere, gaur-gaurkoz, Arrasaten dago langabe gehien: biztanleria aktiboaren %9,84 dago lanik gabe. Gutxien, berriz, Elgetan; zehazki, %5,05.
Langabe kopurua bost baino gutxiago denean Lan Behategiak ez du datu zehatzik ematen; ondorioz, ezin daiteke jakin Leintz Gatzagako eta Aramaioko egoera zein den.
Hego Euskal Herria
Hego Euskal Herriko egoerari dagokionez, Araba, Bizkai eta Gipuzkoan behera egin du langabeen kopuruak, abuztuko datuekin alderatuz gero. 1.933 pertsona gutxiago daude lanik gabe. Hala ere, Nafarroan gora egin du: 142 langabe gehiago erregistratu dira azken hilabetean.
