Euskal Herriko txoko ezberdinetan euskaraz egiteko egitasmoa da Euskaltzaleen Topaguneak aurrera eraman duen hau eta, dagoeneko, zabalik dago Mintzalagun egitasmoetan izena emateko deialdia. Proiektuaren helburu nagusia da elkarrekin euskaraz bizi eta euskara erabiltzea. Horretarako, ikasturte berriaren hasierarekin batera, Mintzalagun talde berriak sortuko dira izen-emate kopuruaren arabera.
Proiektuan parte-hartzeko, antolatzaileek bi baldintza betearazten dituzte: alde batetik euskaraz komunikatzeko gutxieneko gaitasuna izatea, eta , bestetik, astean behin ordubetez Mintzalagun talde batean parte hartzeko konpromisoa izatea.
Mintzapraktika egitasmoan parte-hartzeko, egin klik hemen.
Mugarik gabe
Mintzanet eta Jalgi Hadi Mundura elkarteek ahalbidetzen dute euskara internet bidez praktikatzeko aukera, eta, hori baliatuta, sarean elkartzen dira euskaraz egin nahi duten mundu osoko pertsonak.