Udalerrietako interes orokorreko 55 puntutan izango da eskuragarri orri hori: kultur etxeetan, osasun zentroetan, gizarte zerbitzuetan, jubilatu-etxeetan edo udal harreretan, esaterako. Esku-orriak argindarraren bonu sozialaren ideia nagusia zein den azaltzen du, eta jasotzen ditu zer den eta nola eskatu behar den, zeintzuk diren eskatzeko bete beharreko baldintzak, zein den aurkeztu beharreko dokumentazioa eta non eskatu behar den bonu soziala bera.
Bonu sozial elektrikoa duenak deskontu bat izango du argindarraren fakturan. Deskontuak kontsumitzaile motaren araberakoak dira, eta motza bakoitzak baldintza eta laguntza ezberdinak izango ditu norberaren kontsumitzaile motaren arabera (familia ugaria, pentsioduna...). Horretaz gain, bonu elektrikoa izatea lortzen dutenek, zuzenean bonu termikoa izatearen onura ere jasango dute. Bonu termikoa da laguntza bat berogailuaren eta ur beroaren edo sukaldearen erabilerak eragindako gastu termikoak konpentsatzeko.
Argindarraren bonu sozialaren kanpainarekin batera, Debagoieneko Garapen Agentziaren helburua da "orain arte egindakoari jarraipena ematea eta zaurgarritasun energetiko izan dezaketenei energia eraginkortasunerako aholkuak ematen jarraitzea da".
