Hain justu iazko abuztuan izan zen azkenekoz langabezia tasa %8 baino gehiago; eta jaitsiera handia izan ez bada ere, ordutik nahiko egonkor mantendu da %7 eta %8 artean. Azken hilabetean %7,73an kokatu da, 2023ko altuena, urtarrileko datuarekin parekatuta.
Elgeta, salbuespena
Ia herri guztietan egin du gora langabeziak, eta Elgeta salbuespena izan da, 34 langabe izatetik 33ra igarota. Antzuolan hiru langabe gehiago egon dira azken hilabetean, Aretxabaletan hamabi, Arrasaten 34, Bergaran hamaika, Eskoriatzan bederatzi eta Oñatin hemeretzi.
Halaber, langabe kopurua bost baino gutxiago denean Lan Behategiak ez du datu zehatzik ematen; hori da hain justu Gatzagaren eta Aramaioren kasua.
Bestalde, 2022ko abuztuarekin alderatuta hobera egin dute Antzuolak, Aramaiok, Arrasatek, Bergarak, Eskoriatzak eta Oñatik; eta okerrera, Aretxabaletak eta Elgetak.
