Ordubetean metro koadroko 15 litro baino gehiago pila daitezkeela Gipuzkoa eta Arabako zenbait tokitan eman du aditzera meterologia agentziak, bereziki ekialdean. Zaparrada trumoitsuak bota ditzakeela gaineratu du eta zenbait lekutan handiak izan daitezkeela, txingorrarekin (2-3 cm) eta haize-bolada gogorrekin.
Bihar zapatua ere erruz egingo du euria eta abisu horia dago ezarrita 06:00etatik 21:00etara bitartean. Zaparrada trumoitsuak botako ditu eta zenbait lekutan handiak izango dira (ordubetean 15 l/m2 baino gehiago), bereziki 09:00ak eta 18:00ak artean; orduan zaparraden intentsitatea 20-30 l/m2 ingurukoa izan daiteke ordubetean.
