Sare Herritarrak azaldu duenez, espetxe politikan aldaketak egon badira ere, "34 urte luze iraun dituen urruntze politika gainditzeak" ez du euskal presoen eskubideen urraketa amaiera ekarri. "Fiskaltzak, [Espainiako] Audientzia Nazionalaren laguntzaz, legedia arruntaren ezarpenaren aurrean eta etxeratze prozesuaren aurrean oztopoak jartzen jarraitzen du, elkarbizitza trabatuz".
Hala ere, argi dute euskal preso guztiak etxera bidean jartzeko unea dela, "salbuespen egoera indargabetuta eta lege arrunta aplikatuta". "Dagoekien eskubidea da; etxera bidea legeak dioen ibilbidea jarraituz pausoz pauso egin dezaten". Uste baitute elkarbizitzan urratsak emateko, konponbidean jarri behar dela preso, iheslari eta deportatuen auzia.
