Mundu mailako ziklista onenak batu dira egunotan Abadiñon eta Iurretan jokatu duten Nazioetako Kopan. Parte-hartzaileen artean bederatzi herrialdeetako txapeldunak zeuden, hauekin batera, ziklokroseko munduko txapelduna eta azpitxapeldunak diren Holmgren ahizpa kanadiarrak. Era berean, Frantzia, Belgika, Alemania, Estatu Batuak, aipatutako Kanada eta Portugal moduko selekzioak, abuztuan jokatuko duten munduko txapelketarako azken prestaketa lanetan ere izan dira. Eta hori gutxi balitz, Erresuna Batutik, Herbeeretatik eta Belgikatik etorritako talde indartsuenak ere irteera puntuan egon dira.
Sailkapen nagusian, aipatzekoa, estatuko emakumeen artean, Itxaso Plazak lortu duen 6. postua sailkapenean. "Esperientzia on honi ezker eta Igamok eta Zatikak egin duten harremanei ezker, irailean frantzian Plouay-eko sari nagusia lehiatzera joango dira, World Tourreko emakume zein gizonezkoek, lehiatuko duten asteburu eta zirkuitu berdinean", adierazi dute Bergarako klubetik. Orain, indarrak errekuperaziorako tarte haundirik gabe, asteazkenean Iruñerriko itzulian lehiatuko dira Igamoko neskak. Hiru etapa izango dituzte: Mutiloa Beheran, Berriobeiti eta Iruñean azkena.
