176 eserlekurekin lortzen da erabateko gehiengoa. Hori, egoerarik onenean. EITB taldearen inkestaren emaitza da. Gaur, hauteslekuetan, herritarrei egindako galdeketatik ateratako datuak dira.
PSOEk 113-118 eserleku lortuko lituzke eta Sumarrek 28-31. Bi alderdiok, egoerarik onenean, 149 eserleku lortuko lituzkete eta aurreko agintaldian bidelagun izan zituztenen babesarekin erabateko gehiengoa lortzetik gertu egongo lirateke. ERCk 9, EH Bilduk 6, EAJk 5 eta BNGk 1-2 lortuko balituzkete. Junts-ek 9 lortuko lituzke eta ezinbestekoa izango litzateke katalanen babesa. Erabakigarria izango lirateke, era berean, Coalicion Canariaren edota Teruen Existeren botoak, alde baterako zein besterako.
Euskal Herriko datuei begiratuta, Gipuzkoan, EH Bilduk, EAJk eta PSOEk bina eserleku lortuko lituzteke.
Araban, PSOE, PP, EAJ eta EH Bilduk bana lortuko lituzkete.
Bizkaian, EAJk, PSOEk eta EH Bilduk bina, eta PPk eta Sumarrek bana lortuko lituzkete.
Nafarroan, PSOEk eta PPk bina lortuko lituzkete eta EH Bilduk bat.
Inkestak dira. Bestelakoa da emaitza. Gaur 21:00etatik aurrera emango ditu GOIENAk datuak, jaso ahala, webgune honetan. Debagoieneko datuak, herririk herri, euskal lurraldeetakoak eta Espainia osokoak.
