2019ko hauteskundeekiko EAJ izan da galdu duen bakarra; Sumarrek ere ez ditu Elkarrekin Podemosek lortu zituen emaitzak lortu, eta behera egin du haiekiko 5 puntu. Ia 10 puntu galdu ditu EAJk; ia 6 puntu egin du gora PSE-EEk, eta 5 puntu gora EH Bilduk. PPk ia 3 puntu gora.
Bestalde, joan den maiatzeko Bizkaiko Batzar Nagusietako hauteskundeetako emaitzekin alderatuta, EAJren galera handiagoa izan da. Parte hartzeak gora egin du duela bi hilabeteko hauteskundeekiko. Orduan, Bizkaiko Batzar Nagusietan, EAJk nagusitasun handia lortu zuen, botoen %38,41arekin. Oraingoan, ia botoen %27 lortu du. EH Bilduk ere galdu egin ditu botoak eta behera egin du batez bestekoari dagokionez ere. Sozialistek egin dute bereziki gora Bizkaian, botoetan jeltzaleengana hurbilduz. Sumarrek eta PPk ere gora egin dute.
