Uda garaian bailarako pilotariek ez dute atsedenik hartzerik izango. San Fermin Torneoa amaitu ondoren, Emakume Master Cupeko Udako Masterrean eta Plazaz Plaza txapelketetan lehiatuko dira bailarako emakume pilotariak.
Maddi Barrokal Plazaz Plaza txapelketan arituko da irailerararte. Bertan lau aurrelariek, lau atzelariekin jokatuko dute uda guztian zehar. Hortaz, bergararrak ez du bikote finkorik edukiko.
Emakume Master Cuparekiko, Oses eta Etxegarai oñatiarrek, Aldai eta Gaminde izango dituzte bikotekide eta Leire Galeano antzuolarrak Arrizabalaga. Lehen fasean, bikote guztiak elkarren aurka jokatuko dute eta bertatik irtengo dira Galdakaoko finalerdiak jokatuko dituzten taldeak.
