San Ferminetako Emakume Master Cup txapelketaren finala jokatu dute Uxue Oses oñatiarrak eta Olatz Arrizabalaga bikoteak eta faborito baziren ere, ez dute garaipena eskuratu. Aurkari zituzten Zabaletak eta Gamindek partidu bukaera bikaina egin dute, ez ordea faboritoek eta partiduaren zati handienean aurretik joan badira ere, azkenean, markagailuari buelta ematea lortu dute aurkariek. Aldiz, Antzuolako Leire Galeanok eta haren bikote Leire Garaik osatutako taldeak hirugarren postuagatik neurtu dituzte indarrak Labriten eta haiek bai lortu dute garaipena.
San Fermin torneo prestigiotsuaren finalerdiak eta finalak jokatu dira goizean Labriten eta ez da falta izan bailarako ordezkaritzarik. Uxue Oses oñatiarrak eta Olatz Arrizabalagak osatutako bikoteak ondo hasi du partidua, 17. tantora arte aurretik joan dira, baina, azken momentuan izan dituzten hutsen eta aurkarien lan onaren ondorioz, 17-22 bukatu da norgehiagoka.
Galeano eta Garai, hirugarren
Finalaren aurretik, hirugarren postuagatik neurtu dituzte indarrak Galeanok (Antzuola) eta Garaik, Aldai eta Bengoaren aurka. Antzuolarrak eta bere bikoteak partidua 14-18 irabaztea lortu dute.
