Debagoienak ordezkaritza zabala izan du San Fermin txapelketa prestigiotsu honetan: Emakume Master Cupen aldetik Leire Galeanok, Arrate Bergarak, Uxue Osesek eta Madalen Etxegaraik parte hartu dute eta Ados Pilotaren ordezkaria Maddi Barrokal izan da. Hauetatik, soilik Uxue Oses oñatiarrak jokatuko du San Fermin Torneoko finala.
Hala ere, Bergara eta Galeano debagoiendarrak nor baino nor gehiago arituko dira hirugarren posturako lehian. Aldai eta Garai izango dira beraien bikotekideak, hurrenez hurren.
Maddi Barrokal bergararra ezin izan da finalera sailkatu. Ligaxkako bi partiduetatik bakarra irabazi ondoren, ez du finalerako txartelik lortu.
Finala Labriten
Finala uztailaren 8an jokatuko da Labrit pilotaleku ospetsuan, 12:00etan hasita. Jaialdia zuzenean jarraitzeko aukera egongo da ETB-1en bitartez.
