Beraz, Hego Euskal Herriko osasun zentroetan eta farmazietan maskararen erabilera gomendagarria izatera igaroko da, gaixo larriak dauden eremuetan, zaintza intentsiboetako unitateetan, ebakuntza geletan eta larrialdietan derrigorrezkoa izaten jarraituko duen arren.
2020ko abenduan ezarri zen araua, eta, ordutik, zentro eta gune horietako langileek zein erabiltzaileek maskara erabili behar izan dute nahitaez. Hala, agintariek bi urte eta erdi behar izan dituzte erabakia hartzeko. Alabaina, nabarmendu dute maskararen erabilera deuseztatzeko unean bi arrazoi izan dituztela gogoan: birusaren omikron egoera ez dela hain erasokorra eta herritar asko txertatuta daudela.
