Espainiako Ministerioak Itsaraz Parke Eolikoari buruzko datuak publikatu ditu. Hain zuzen, aurretiazko administrazio-baimenen eta ingurumen-inpaktuaren ebaluazio-prozeduraren tramitazioaren berri eman du.
Modu presentzialean ere eskura daiteke, Arabako, Gipuzkoako zein Bizkaiko gobernuen ordezkariordetzetako Industria eta Energia bulegoetan, aurrez hitzordua eskatuta. Alegazioak aurkezteko bi modu daude: euskarri fisikoan, idatziz, ordezkariordetza horien erregistro orokorrean aurkeztu ahal izango dira; eta elektronikoki, berriz, Estatuko Administrazio Orokorraren erregistro elektronikoaren bidez.
Norvegiako Statkraft enpresak 2026rako aurreikusi du Eskoriatza eta Aramaio arteko parke eolikoa eraikitzea. 42 milioi euroko aurrekontuarekin, 201 metroko altuerako eta 172 metroko errotazio diametroko zortzi aerosorgailu jartzea da asmoa.
