Modalitate ugaritan neurtu dituzte indarrak: katan, arma bidezko katan (kobudo), defentsa pertsonalean (goshin) eta borrokan. Bereziki klub eskoriatzarrarentzat izan dira arrakastatsua asteburuko lehiaketak. Euskadikoan, kata modalitatean, alebinetan Andoni Vigara, Urko Arias eta Xabier Altuna egin ziren domina banarekin, infantiletan Naroa Cabezas, Salah El Dine eta Oihan Benitez, kadetetan Danel Calero, gazte mailan Airam Duarte, eta seniorretan Ariane Piñero, Danel Sanz Azkunaga eta Mikel Martin. Kobudoan eta goshinean podiumera berriz igo dira katako zenbait borrokalari, baita Danel Bañares, Ion Garcia, Najih Douali, Josu Iturralde, Asier De La Flor, Jose Carrero, Ioritz Diaz De Gereño eta Julen Maqueda ere.
Ziorlakoen kasuan, nork bere kategorian, kumiten urrea lortu dute Yerai Martinek, Erik Martinek eta Sara Cabezak, eta zilarra Enaitzek. Erik Martinek katetan zilarra eskuratu du baita ere. Luis Alberto Narrok, bestalde, ez du lehiatzerik izan, aurkaria azaldu ez delako; ondorioz, hari ere urrea egokitu zaio.
Hala, sari ederra jaso dute txapeldun irten diren borrokalariek, azaroan Galizian jokatuko den Espainiako txapelketarako txartela lortu baitute.