Gipuzkoako Batzar Nagusiak eratzeko emaitzen ondorioz sei debagoiendar izango dira batzarkide datozen lau urteetan. EH Bilduk eskuratu ditu boto gehien Gipuzkoan eta hiru debagoiendarrek eskuratu dituzte aulkiak. EAJko bi debagoiendar egongo dira eta PSEko bat.
Deba-Urola barrutian, EH Bildutik Aitor Irure aretxabaletarrak eta Iker Intza bergararrak eskuratu dituzte eserlekuak; EAJtik, bestalde, Aintzane Oiarbide bergararrak eta Ander Garai arrasatearrak eskuratu dituzte eserlekuak.
Donostialdea barrutian, EH Bilduko Eneritz Otamendi eskoriatzarrak lortu du eserlekua; eta Bidasoa-Oiartzun barrutian, PSEko Rafaela Romero arrasatearrak.
Gertu geratu dira
Oria barrutian, bestalde, EAJko Rafa Uribarren arrasatearra eserlekua lortzetik oso gertu gelditu da –1.300 boto inguru–, baina, azkenean, ez da hautatua izan. Deba-Urola barrutian, berriz, Elkarrekin-Podemoseko Juan Luis Merino eserlekua lortzetik gertu gelditu da –1.460 boto inguru–, baina alderdi moreak ez du aulkirik lortu.
