Gipuzkoako 52. hiru txirlo bola joko txapelketa aurrera doa eta txapelketako bederatzigarren jardunaldia jokatu zen zapatu arratsaldean Elgetako bolatokian.
Asola Berriko Sergio Rogrigezek jo zituen txirlo gehien; zazpi. Jarraian sailkatu zen San Andresko Iker Arizmendiarrieta (6 txirlo) eta Asola Berriko Juan Luis Rodirgez (6 txirlo).
Aitarengandik datorkio afizioa Ander Unamuno gazteari eta ondo aritu zen zapatuan Elgetan; izan ere, bost txirlo jo eta laugarren sailkatu zen eguneko jaurtialdian.
Bolariek Lasturren jokatuko dute hurrengo jardunaldia zapatuan, hilak 27. Saioa 17:00etan hasiko da.
Txapelketako izenak
Gaur gaurkoz eta bederatzi jardunaldi jokatu ostean:
- Txapelketa indibiduala gizonetan: Pedro Gomez (Asola Berri).
- Txapelketa indibiduala emakumeetan: Isana Gorosabel (UDA).
- Edadekoak: Pedro Gomez (Asola Berri).
- Infantilak: Josu Urkia.
- Benjaminak: Ander Unamuno (Asola Berri).
- Bikoteka: Ander Odiaga eta Oier Azurmendi (San Andres).
- Taldeka: Asola Berri A.
