Maiatzaren 24 eta 25ean euste-hesiak jarriko dituzte Aretxabaletako Arbizelaiko biaduktuaren parean. Horregatik, eguazten gauean Arrasate eta Eskoriatza arteko galtzada –130,500 eta 123,500 kilometro puntuen artean– itxita egongo da Gasteizerako noranzkoan, eta eguenean, Donostiarakoan. Mozketa 22:00etatik 06:00etara izango da.
Hori horrela, eguaztenean AP-1etik Gasteizerako noranzkoan doazen ibilgailuek Arrasaten irten beharko dute eta GI-627 errepidetik jarraitu Eskoriatzaraino, autobidea berriz hartzeko. Eguenean, ibilbidea alderantziz egin beharko da.
Foru Aldunditik aditzera eman dute euste-hesiak jartzea beharrezkoa dela langileen eta autobidearen erabiltzaileen segurtasuna bermatzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.