Ekoizleak arduratuko dira bisitak egiteaz, eta kanpoaldeko eremuak eta barne instalazioak erakusteaz gainera, ekoizten dituzten produktuak dastatzeko aukera izango da. Hain zuzen, gazta, gatza, barazkiak, txokolatea eta ogia izango dira produktuak, eta bost horiek ekoizten dituzten eremuak: Antzuola, Oñati, Leintz Gatzaga, Bergara eta Arrasate.
Bisitetan parte hartzeko, ordea, Debagoieneko Mankomunitateak jakinarazi du aurrez erreserba egin beharra dagoela, antolatzailea baita. Horretarako, mezu bat bidali daiteke infoturismo@debagoiena.eus helbidera, edo 943 79 64 63 eta 943 71 89 11 telefono zenbakietara ere deitu daiteke. Webgunean ere bada bisita guztien informazioa.