Liga txapelketa bukatzeko hiru jardunaldi besterik ez dira geratzen (bederatzi puntu jokoan), eta oso bestelako egoera dute sailkapenean bailarako bi taldeek. Leintz Arizmendi postu erosoan dago 42 punturekin, azken partiduen zain. Hurrengo partidua Antiguokoren zelaian jokatuko du.
Bergara, larri
Aldiz, Bergara azken-aurrekoa da, 12 punturekin. Bi taldek galtzen dute maila, eta aurretik duen Amaikak Batek 19 puntu ditu. Hortaz, hurrengo jardunaldian irabazten ez badu, Preferente mailako taldea izango da hurrengo denboraldian. Lehia hori Lagun Onaken kontra jokatuko du, Azpeitian.