Aste Santuko oporraldiaren ondoren, liga jardunaldia bueltatuko da asteburuan. Sei jardunaldi falta dira, eta beheko postuetan dauden taldeek asko dute jokoan; tartean, Aloña Mendik (29 puntu). Bada, oñatiarrak azkenaurreko lekuan daude, Mondraren (17) aurretik, eta domekan lehia garrantzitsua izango dute (16:30, Azkoagain), sailkapenean askoz lasaiago dagoen Bergararen (39) kontra.
UDAk ere 39 puntu ditu; haiek ere lasaiago egoteko azken garaipena behar dute, eta erdialdean dagoen Urolaren (41) zelaian jokatuko dute domekan, Argixaon (16:30). Eta Mondrak ere etxetik kanpora jokatuko du, ligan hirugarren dagoen Oiartzunen zelaian (12:00, Karla Lekuona).
Emakumezkoen ligan, berriz, Leintz Arizmendik eta Bergarak kanpoan jokatuko dute. Leintzekoek Hernanin zapatuan (16:30) eta mahoneroek Errenterian (16:00).
