Datorren martitzenean, apirilaren 18an, izango da omenaldia, eta Itziar Aizpuruak hartuko du parte, Irizarren alargunak. Horrez gainera, alboan izango ditu familiakoak eta lagunak, eta, hain justu, musikagilearen izena jarriko diote ospitaleko areto bati. 2021eko apirilaren 22an hil baitzen Irizar, 69 urte zituela. Piano-jolea, konpositorea eta abesbatzen zuzendaria izan zen, eta 30 diskotik gora eta partitura-liburu asko argitaratu zituen.
Ekitaldi gehiago
Horrez gain, astelehenean, hilaren 17an, Arantzazuko frantziskanoak bultzatzaile dituen Elkarren Bila proiektuan eginiko lana ere aitortuko dute, eta, eguenean, langile beteranoak izango dituzte gogoan. 25 urtez ospitalean lanean dabiltzanei erlojuak emango dizkiete eta erretiratzen direnak omenduko dituzte.