Enpresek 200.000 eurora arteko laguntzak jasotzeko aukera izango dute, eta bi urtez aplikatu beharko dute neurria, hitzeman behar baitute, bigarren urteko diru-laguntzarik gabe ere, lanaldi murrizketari eutsiko diotela soldatak murriztu gabe. Hala egin ezean, lehen urtean jasotako diru publikoa itzuli egin beharko dute.
Oraingoz, industrian
Proiektua esperimentala da, eta, beraz, Espainiako Gobernuak industria sektorera mugatzea erabaki du. Batik bat automobilgintzako eta metalgintzako enpresak daude horien artean, baina baita beste batzuk ere; besteak beste, elikagaiak prozesatzen eta kontserbatzen dituztenak eta jantziak eta oinetakoak fabrikatzen dituztenak.
