Hain justu, @goikone erabiltzaileak jarri du martxan egitasmoa, eta helburu du Euskal Herrian bidaiatzerako orduan, "diskriminazio positiboa" egitea. Azaldu duenez, edozeinek har dezake parte, eta, horretarako, aski da Twitterreko profilean duen harian tabernaren izena eta helbidea jartzea, gerora mapan gehitu dezan.
40 taberna baino gehiago daude dagoeneko zerrendan, eta, tartean, badira bailarakoak ere: Labidea, Leintz Gatzagan; Urbiako Fonda, Goiko-Benta, Urtiagain eta Mauxka, Oñatin; eta, Espaloia Kafe Antzokia, Elgetan.
