Topagunea Elorrion izango da apirilaren 6tik 9ra bitartean, Gazte Antolakundearen 10. urteurrenean. Bailaratik autobusak jarriko dituzte, biharko, apirilaren 6rako: 09:30ean Oñatitik irtengo da; 09:50ean, Eskoriatzatik; 10:00etan, Aretxabaletatik; 10:10ean, Arrasatetik. Beste autobus bat 10:00etan irtengo da, Bergaratik.
Gainera, Bergaratik Elorriora oinez joango diren gazteak ere egongo dira. 07:30ean elkartuko dira Bergarako plazan, eta Asentziotik eta Elgetatik pasa ondoren Elorriora iritsiko dira.
