Euskal Mendizale Elkarteak Kilimon Trail lasterketa antolatu zuen joan den asteburuan, Mendaron. 23 kilometroko lasterketan hiru debagoiendar igo ziren podiumera: Malen Osa, Ibai Larrea eta Ainara Uribarri.
Lasterketan, emakumeen mailan, Malen Osa korrikalari oñatiarrak irabazi zuen 02:16:00 denbora eginda. Bere atzetik, bigarren sailkatua, Ainara Uribarria izan zen, hau ere oñatiarra, 02.26:59 denborarekin.
Gizonezkoen mailan Ibai Larrea, antzuolarrak 01:56:33 denborarekin, bigarren postua lortu zuen, helmugara Alain Santamaria txapelduna baino 23 segundo beranduago iritsiz. Azkenik, Leintz Gatzagako Aitor Ajuria ezin izan zen podiumera igo, lasterketa laugarren postuan amaituz.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
