Kontseilu Sozialistak salatu du krisi kapitalista batean ez direla garai samurrak langile klasearendako eta burgesiak bizi-baldintzak erasotzen dituela. Horren harira, Deba Bailarako Kontseilu Sozialistak Laneko Autodefentsa Sarea (LAS) sortu du, Guztiontzako kalitatezko lan baldintza berdinen alde, estatu sozialista eraikiz leloarekin. Sarearen aurkezpena, apirilaren 14an izango da, Oñatin, 18:30ean.
Eskualdean ere "burgesiaren ofentsibak" bizi direla nabarmendu dute eta adibide batzuk aipatu: "Langabezia estrukturala, soldata jaitsiera, kontratu gabeko lanak, ordaindu gabeko lanak, lan jazarpena eta kaleratzeak".
Kontseilu Sozialistatik LAS sortu dute, "lan esparruan ematen diren gehiegikeriei zein inpunitateari aurre egiteko; urrats bat gehiago emateko ordua delako".
Xehetasun guztien berri emango dute apirilaren 14an, Oñatiko Bidebarrieta kalean dagoen Euskaldun berria gelan, 18:30ean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
