Haren atzetik geratu ziren: Elgoibarko Xabier Loiola ( bost txirlorekin), Eibarko Asola Berri elkarteko Pedro Gomez eta Bittor Astigarraga (biak lau txirlo botata), San Andres elkarteko Oier Azurmendi (hiru txirlorekin) eta Elgetako Jon Aransolo (hiru txirlorekin).
Guztira 60 parte-hartzailek jardun zuen nor baino nor gehiago. UDAko kideen esanetan "bolatoki oso exijentea" izanik, "gertaera historikoa" izan da UDAko emakume batek irabazi izana.
Hurrengo saioa apirilaren 15ean jokatuko dute, Soraluzeko San Andres bolatokian. Debagoieneko saioak izango dira apirilaren 22an Leintz Gatzagan, maiatzaren 13an, Aretxabaletan eta 20an Elgetan.
