Arlabango mendateko, GI-627 errepidea, beste bost puntutan zorua birgaituko du Gipuzkoako Foru Aldundiak; zehazki, bi kilometroko zorua izango da birgaituko dena. Aldundiak jakinarazi duenez, maiatzean lizitatuko dira lanak eta urte amaierarako amaituta izatea aurreikusten du. Aurrekontua 1,3 milioi eurokoa izango da. Aldunditik gogorarazi dute, 15 tonatik gorako ibilgailuek debekatuta dutela GI-627 errepidetik zirkulatzea.
Aurrez, portuko beste hiru puntu "ezegonkorretan" egin dituzte konponketa lanak. Konpondutako lehenengo lerradura 55 metroko oinplanoko horma izan zen eta deformazioak sortu ziren puntu batean egin zuten lan. Beste bi lanak 55 metroko eta 110 metroko luzera duten errepide-zati banatan egin dira eta antzemandako ezegonkortasun- eta deformazio-zantzuak egonkortu zituzten. Aipatutako hiru lerraduretan, "kasu baokitzari egokitutako mikropilotez osatutako pantailak jarri dira".