"Lan hitzarmena 2008tik berriztu gabe dagoela" salatu dute langileek. "Gure lan baldintzak eta soldatak eguneratu gabe daude ordutik eta azken urtean enpresari gure lan egoera hobetzeko hainbat proposamen egin dizkiogun arren, behin eta berriz ezezkoa jaso dugu", azaldu dute.
"Azken egunotan hainbat bilera egin ditugu Enpresa Zuzendaritzarekin, eta gure eskaerak beti baztertu izan dira. Aldarrikapenak oso argiak dira: benetako negoziazioa nahi dugu Gipuzkoako langileentzat, gure egoera soziala eta laborala kontuan hartuko duena, gure lurralde-errealitatearekin bat etorriz. Gipuzkoako metalaren merkataritzaren hitzarmen kolektiboa errespetatzea eta aplikatzea eskatzen dugu. Baina, era berean, soldaten berrikuspena eta eguneratzea eskatzen dugu, modu urtarrean pairatzen dugun errealitate ekonomikoaren arabera (KPI-aren gaineko soldata igoerak alegia)", azaldu dute.