"Urruntze politikaren amaierarekin zama handia kendu dute senideek. 34 urte ostean eta denon lanari esker bukatu dugu mendeku politika honekin", adierazi dute Etxeratek eta Sarek eta orain, etxeratze prozesua azkeneraino eraman behar dela aldarrikatu: "Lege arruntaren aplikazioarekin batera presoen graduaren progresioa zein irteteko baimenaren bidez etxeratzeko bidea egiteko garaia da".
Hori eskatzeko hilabeteko azken egubakoitzetan egiten diren elkarretaratzeetara gonbidatu dituzte herritarrak; martxoaren 31n izango da hurrengoa:
- Aretxabaletan, 19:00etan, Herriko Plazan.
- Eskoriatzan, 19:00etan, Fernando Eskoriatza plazan.
- Antzuolan, 19:00etan, Zurrategin.
- Arrasaten, 19:30ean, Herriko Plazan.
- Bergaran, 19:30ean, San Martin plazan.
- Oñatin, 19:30ean, Foruen plazan.
