Asteburuko lehen finala egubakoitzean jokatu zen, Oñatin, Zubikoa frontoian; gazteen bigarren mailakoen finala. Iñaki Barrena eta Manex Madinagoitia Aloña Mendiko bikoteak 22-10 irabazi zion Jokin Mendizabal eta Josu Mendizabal Gaztelupeko bikoteari.
Bergararren artean: batek galdu, besteak irabazi
Egun berean, nagusien bigarren mailako finala jokatu zen, Legazpin, Urbeltz frontoian. Unai Cagigas eta Beñat Iñarra Bergarako bikoteak ezin izan zuen txapela lortu: 22-7 galdu zuen Ion Agirre eta Jokin Altuna Legazpiko bikotearen aurka.
Azkenik, txapelketako azken finala Bergaran jokatu zen, domekan, Udal Pilotalekuan. Han, kadeteetako lehen mailako bikoteak lehiatu ziren: Aratz Etxeberria-Aratz Ormaetxea bergararrak Eñaut Oñate-Urko Otaegi tolosarren aurka. Etxeko bikoteak txapela zaleen aurrean irabaztea lortu zuen, Behar Zana taldeko bikoteari 22-8 irabazita.
