Asteburuko lehen finala, bihar, egubakoitza Oñatin jokatuko da Zubikoa frontoian, 18:30ean; gazteen bigarren mailakoek jardungo dute nor baino nor gehiago. Etxeko zaleen aurrean jokatuko dute Aloña Mendi taldeko Manex Guridi eta Manex Madinagoitiak, eta aurrean izango dute Zaldibiako Gaztelupe taldeko Jokin Mendizabal eta Josu Mendizabalek osatutako bikotea.
Egun berean, nagusien bigarren mailako finala jokatuko da Legazpin, 19:00etan, Urbeltz frontoian. Han izango dira Bergarako Unai Cagigas eta Beñat Iñarra, Legazpiko Ion Agirre eta Jokin Altuna bikotearen aurka.
Txapelketarekin amaitzeko, azken finala Bergaran izango da, domekan, 11:00etan, Udal pilotalkeuan. Aratz Etxeberria eta Aratz Ormaetxea bergararrak, Inhar Iparragirre eta Urko Otaegi tolosarren aurka lehiatuko dira.