12:00etan hasi da ekitaldia Aretxabaletako plazan. Kamisetak banatu dituzte lehendabizi, eta, ostean, Ainara Urrutia mendi-lasterkaria omendu dute. 41 urte ditu eta euskal selekzioko kidea da. 2018 amaieran hasi zen lasterketetan parte hartzen, eta, gaur egun, Domusa Teknik Team izeneko proiektuan dabil.
Amaitzean, Eskoriatzarako bidea hartu dute parte hartzaileek, oinez. Fernando Eskoriatza plaza izan dute helmuga, eta, bertan, Rosarito Oianguren herritarrak jaso du aitortza. 1938an jaio zen Bolibar elizateko Altzarte baserrian, eta bizitza osoa izan da etxekoandre, aldi berean zerbitzari aritu bada ere hainbat jatetxetan.
